Памірае жыцьцё ў акіянах

Ня так даўно акіяны запаўнялі казачныя расьліны, касякі і чарады рыбы, ды аграмадныя марскія жывёлы.

Сёньня марскія істоты паміраюць у нябачных дагэтуль маштабах. Паводле дасьледчыкаў, з 80-тых гадоў ХХ стагодзьдзя з вод нашай плянэты зьнікла палова жывёл, а некаторыя гатункі зьменшыліся на 75%.

З вялікім непакоем навукоўцы назіраюць за лясамі марскіх водарасьцяў.

Аўстралійскі дасьледчык акіянаў прафэсар Томас Вэрнбэрг заявіў, што за апошнія 50 гадоў з водаў цэлага сьвету зьнікла больш за трэць падводных лясоў. А гэтыя лясы зьяўляюцца домам для ў дзесяць разоў большай колькасьці жывёл, чым трапічныя лясы, напрыклад, Амазоніі.

Што прывяло падводныя лясы ў такі жудасны стан? Зьмены клімату і працяглыя пэрыяды экстраннай сьпёкі, гэта па-першае, а па-другое, жыцьцё ў акіянах зьнішчае чалавек сваёй дзейнасьцю, як ая прыводзіць да разьліву нафты, атручваньня вады цяжкімі мэталямі, выклікае цьвіценьне таксычных водарасьцяў з-за ўгнаеньняў, якія сплываюць з сушы. Таксама марскім жывёлам, як вялікім, так і самым маленькім (плянктону), перашкаджае шум лодак і прылад, якімі чалавек карыстаецца на акіянах, – б'юць трывогу дасьледчыкі.

Newsweek/яс