Польскія мужчыны ахвотна ідуць у дэкрэт

Dziennik Gazeta Prawna: Сярод польскіх мужчын усё больш папулярнымі становяцца дэкрэтныя адпачынкі. Студзеньскі вынік паказвае, што ў гэтым годзе дэкрэтны можа выкарыстаць рэкордная колькасьць бацькаў – 200 тысяч чалавек.

У студзені ў бацькаўскі адпачынак пайшлі 15 тысяч польскіх мужчын. Гэта на 16% больш, чым у студзені мінулага году. У цэлым 2017 годзе ў адпачынак пайшло 174 тысячы мужчын, амаль на 20% больш, чым годам раней. “Гэта пазытыўная інфармацыя. Яна паказвае, што бацькі больш прыкладаюцца да апекі над дзецьмі”, - гавораць экспэрты.

Задаволены таксама віцэ-міністар сям’і, працы і сацыяльнай палітыкі Барташ Марчук. “Усе дасьледаваньні даказваюць, што большы ўдзел абодвух бацькоў у апецы над дзецьмі схіляе іх да большай колькасьці дзяцей”, - гаворыць палітык.

Бацькаўскі дэкрэтны адпачынак працягваецца два тыдні і цалкам платны. Яго можна выкарыстаць цягам двух гадоў.

ав