Кабінэт старажытнага хірурга знайшлі польскія архэолягі на Кіпры

Набор хірургічных інструмэнтаў з бронзы й жалеза знайшлі дасьледчыкі з Інстытута архэалёгіі Ягелёнскага ўнівэрсытэта ў разбураным портыку, якому больш за 2 тысячы гадоў у Нэа Пафасе на Кіпры. Дасьледчыкі мяркуюць, што там знаходзіўся кабінэт доктара. Сярод інструмэнтаў, якія былі знойдзеныя палякамі, ёсьць доўгая лыжачка, абцугі й інструмэнты, якія хутчэй за ўсё выкарыстоўваліся для фіксацыі зламаных касьцей.

Першапачаткова інструмэнты зьмяшчаліся ў скрынцы з бронзы, але ад яе засталіся толькі рэшткі.

У другім памяшканьні дасьледчыкі выявілі сярод іншага дзьве цалкам добра захаваныя шкляныя й і дзьве керамічныя алейныя лямпы.

Навукоўцы лічаць, што портык абваліўся ў выніку землятрусу. Адзін з самых вялікіх у той час меў месца ў 126 годзе і быў запісаны ў пісьмовых крыніцах. Портык ніколі ня быў адноўлены, «і таму знойдзеныя рэчы захаваліся ў такім добрым стане», – кажа кіраўнік раскопак,Ю прафэсар Яўдоксія Папуці-Ўладыка зь Ягелёнскага ўнівэрсытэта.

Гэта быў ужо шосты сэзон кракаўскай экспэдыцыі ў Пафас, якая рэалізуецца ў межах праекту «Paphos Agora Project». Дасьледаваньне стала магчымым дзякуючы фінансаваньню з гранта MAESTRO Нацыянальнага навуковага цэнтра.

Пафас зьяўляецца адным з самых важных архэалягічных помнікаў на Кіпры. У грэка-рымскія часы горад быў сталіцай выспы. На працягу некалькіх гадоў палякі даказалі, што існуючыя публікацыі аб пачатках і разьвіцьці горада Пафас зьмяшчаюць памылкі. Дзякуючы архэалягічным знаходкам польскіх дасьледчыкаў стала вядома, што гісторыя Пафаса пачалася на 200 гадоў раней, чым дагэтуль меркавалася.

яс

Эфірны выпуск перадачы "Навука й тэхніка" ў далучаным файле