Вугоршчына бяз статуй Маркса

У Вугоршчыне дэмантавалі апошнюю ў краіне статую Карла Маркса, паведамляе агенцтва МТІ. Скульптура знаходзілася ў холе Ўнівэрсытэту Корвіна ў Будапэшце.

Куды падзенуць статую, пакуль невядома. Раней рэктарат абяцаў, што яна застанецца ў сьценах кампусу. Як паведамілі ў рэктараце, знос быў праведзены па ініцыятыве кіраўніцтва ВНУ безь якога-колечы ціску звонку.

Раней Хрысьціянска-дэмакратычная народная партыя, якая ўваходзіць у склад кіроўнай кааліцыі, заклікала зьнесьці статую Маркса, паколькі яна ўвасабляе „расісцкую і антысэміцкую ідэалёгію”. Моладзевае крыло партыі ўжо заявіла, што ліквідацыя манумэнту сымбалізуе канец пераходнага посткамуністычнага пэрыяду ў гісторыі Вугоршчыны.

Бронзавая статуя была ўстаноўленая ў холе ўнівэрсытэты ў 1959 годзе. Да 2004 году навучальня насіла імя Карла Маркса, пасьля чаго была перайменаваная ў гонар найбуйнейшай вугорскай бібліятэкі эпохі Рэнэсансу, якую сабранў кароль Мацьяш І Корвін.

lenta.ru/ эб