Ствараецца анімацыя пра Капусьцінскага

źr.wikipedia.pl

Фільм будзе складацца з дакумэнтальнай і анімацыйнай частак.

Над поўнамэтражным мультфільмам працуюць аўтары з Польшчы, Гішпаніі, Нямеччыны й Бэльгіі. Вытворцы анімацыі пераконваюць, што раскажуць „захапляльную гісторыю, у якой Капусьцінскі рызыкуе жыцьцём, каб рэалізаваць амаль самабойчую місію. Гэта будзе гісторыя чалавека, які шукае праўду пра вайну”.

Фільм расказвае пра апошнія месяцы змаганьня Анголы за незалежнасьць у 1975 годзе. Успаміны сьведкаў тагачасных падзей будуць зьмешчаныя ў дакумэнтальнай частцы, якую дапоўніць анімацыя, зробленая на падставе кнігі Капусьцінскага. Глядач будзе ўцягнуты ў падарожжа, якое пачнецца ў 1975 годзе й закончыцца ў сучаснасьці.

Анімацыйная частка будзе зроблена ў выглядзе комікса. Гледачы пабачаць Рышарда Капусьцінскага, які вырушае на фронт побач з жаўнерамі, змагарамі за незалежнасьць. Здымкі дакумэнтальнай часткі пачнуцца восеньню наступнага году. Іх будуць здымаць у Польшчы, Анголе, Партугаліі й на Кубе.

ав