Польскія паштары ды паштаркі хочуць зарабляць больш

Супрацоўнікі Польскай пошты ўжо рыхтуюць жоўтыя камізэлькі, папярэджвае Dziennik Gazeta Prawna.

Прафсаюз супрацоўнікаў Польскай пошты распачаў афіцыйную працэдуру спрэчкі з праўленьнем агульнанацыянальнага прадпрыемства. Калі перамовы прафсаюзу й праўленьня, заплянаваныя на 30 красавіка, праваляцца, паштары гатовыя распачаць пратэст, аздоблены жоўтымі камізэлькамі.

Паштальёны патрабуюць павышэньня месячных заробкаў на 500 злотых (прыкладна 120 эўра). У выпадку, калі праўленьне Польскай пошты адмовіцца пайсьці на саступкі, прафсаюз гатовы распачаць пратэст. Польская пошта зьяўляецца найвялікшым працадаўцам у Польшчы, яе штат налічвае 80 тысяч чалавек, больш за 12 тысяч зь іх ўваходзяць у прафсаюз «Салідарнасьць».

Перамовы паміж прафсаюзам і кіраўніцтвам Польскай пошты цягнуцца з пачатку гэтага году. Актывісты аб’яднаьня пераконваюць, што перамовы, якія адбудуцца 30 красавіка, гэта апошні шанец для працадаўцы, каб пазьбегнуць масавага пратэсту супрацоўнікаў Польскай пошты, піша Dziennik Gazeta Prawna.

эж