Міхал Андрасюк прэзэнтаваў у Гайнаўцы сваю новую кніжку

У Гайнаўскім Музэі й асяродку беларускай культуры адбылася прэзэнтацыя новай кнігі мастацкай прозы Міхася Андрасюка «Поўня». Поўня – гэта ня толькі зьява спадарожніка Зямлі, але таксама нешта магічнага. Яна паказвае маленькую беларускую супольнасьць, беларускі наш мэнталітэт. У ёй ёсьць чаканьне на цуд, таксама беларускае – гаворыць аўтар «Поўні» Міхал Андрасюк.

Прэзэнтацыя кніжкі прайшла ў рамках літаратурных сустрэч «Кірыліцай пісанае».
Міхал Андрасюк – гэта вядомы беларускі пісьменьнік і муніцыпальны дзеяч. Дзяцінства правёў у вёсцы Войнаўка ў Дубіцкай гміне. Скончыў беларускі ліцэй у Гайнаўцы, працаваў настаўнікам і каменячосам, журналістам беластоцкай рэдакцыі Радыё Рацыя. Дэбютаваў у беластоцкай «Ніве» вершамі. Піша па-беларуску і па-польску.

На прэзэнтацыі кніжкі Міхала Андрасюка ў Гайнаўцы пабывала Анна Пятроўская.

слухайце, калі ласка, далучаны гукавы файл