Беларускія ўлады разагналі сьвята палякаў у Менску

20 лістапада ўвечары ў Менску павінен быў адбыцца ўрачысты канцэрт з нагоды стагодзьдзя аднаўленьня незалежнасьці Польшчы. Пазбаўлены легальнасьці ў Беларусі Саюз Палякаў арандаваў памяшканьне й запрасіў стоасабовы хор.

Адразу пасьля пачатку мерапрыемства адміністрацыя будынку, без тлумачэньня прычыны, загадала прысутным пакінуць памяшканьне.Той факт, што ўрачыстасьць распачынаў пасол Польшчы ў Беларусі Артур Міхальскі ніяк не паўплываў на паводзіны адміністрацыі.

Улады Беларусі ў чарговы раз праявілі зьнявагу і грэблівасьць да польскай нацыянальнай і асабіста да польскага дыплямата. Шматлікія візыты польскіх высокапасадоўцаў у Беларусь, ніяк не паўплывалі на стаўленьне беларускіх уладаў да польскай нацыянальнай меншасьці.

Rzeczpospolita/эж