Беларускія фольк-сустрэчы прайшлі ў Міхалове

Калектывы з Польшчы, Беларусі ды Латвіі выступілі ў амфітэатры ў Міхалове ў час Беларускіх фольк-сустрэчаў. Гэта найбуйнейшае мерапрыемства ў культурніцкім календары Міхалова ды адзін з большых фэстаў беларускай культуры на Падляшшы.

На сцэне выступілі народныя аматарскія хоры, капэлы, моладзевыя поп-выканаўцы, салісты ды вядомыя гурты з Беларусі, м.ін. Арт калектыў «Багач» ці Беларускі дзяржаўны ансамбль народнай музыкі ”Сьвята”.

Падчас фэсту таксама праводзіліся конкурсы на беларускамоўны верш пра мерапрыемства ды найцікавейшы праект майкі з беларускай сымболікай.

На Беларускіх фольк-сустрэчах у Міхалове пабывала Анна Пятроўская.

Паслухайце, калі ласка, рэпартаж з мерапрыемства