У Нямеччыне нэанацысты зьбіраюцца адзначаць дзень нараджэньня Гітлера

Усьлед за імі зьбіраюцца антыфашысты. Паліцыя абедзьвюх краін спадзяецца беспарадкаў. Мерапрыемства «Шчыт і меч» (Schild und Schwert) заплянавана на 20 і 21 красавіка. 20-га красавіка будуць 129 угодкі народзінаў Гітлера.

«Заплянаваны самы буйны сход такога тыпу ў Эўропе ў гэтым годзе», – кажа газэце Караль з польскай арганізацыі «Antifa», актывісты якой праводзяць маніторынг за актыўнасьцю польскіх нэанацыстаў. «Нам стала вядома, што палякі будуць дапамагаць сваім заходнім таварышам у арганізацыйных пытаньнях, напр., дапамагаць з начлегамі па польскім баку", - расказаў Караль.

Паліцыя па абодвух баках мяжы ведае пра падрыхтоўку зьлёту ў Острыцу.

Паліцыя Ніжняй Сылезіі заявіла: "Для забесьпячэньня бясьпекі мясцовым жыхарам мы будзем супрацоўнічаць з нямецкімі службамі. Будзе павялічаная колькасьць патрулёў".

Чаму плянуюцца толькі такія меры, калі ў Польшчы і Нямеччыне распаўсюджваньне фашызму караецца? - пытае газэта. Арганізатары выкарыстоўваюць юрыдычны прабел. Яны заяўляюць, што гэта будзе закрытае мерапрыемства, таму пра публічнае распаўсюджваньне фашызму ня можа быць гаворкі.

Gazeta Wyborcza/яс