Карэйскі кашмар ЗША

Адказы на гэтае пытаньне шукае штодзёнка «Gazeta Wyborcza».

Выданьне піша, што найбольш катастрафічны сцэнар для Амэрыкі ў адносінах з Паўночнай Карэяй. Гэта выкарыстаньне апошняй зброі EMP (ангельскі скарот ад «электрамагнітнага імпульсу» і азначае бомбу, якая можа зьнішчыць усё эканоміку ды электрычную інфраструктуру ЗША). Паводле выданьня, сёньня гэта найбольшая пагроза для Амэрыкі. Справа ў тым, што выкарыстаньне дадзенай зброі прывядзе да поўнага паралічу жыцьця ў ЗША. Ня будзе электрычнасьці, ані інтэрнэту, ані тэлефонаў. Гэта цалкам паралізуе транспарт, эканоміку. Цягам двух дзён крамы апусьцеюць, пачнецца паніка ды хаос, узаемныя напады напалоханых ды галодных людзей. Пачнецца дэфіцыт вады. У выніку каля 90% амэрыканцаў могуць загінуць.

Выданьне зазначае, што гэта магчымы сцэнар, калі адносіны паміж Вашынгтонам ды Пхеньянам будуць далей пагаршацца. Тым больш, што амэрыканскі ўрад не ўспрымае ўсур’ёз гэты сцэнар і пагрозу. У Вашынгтоне лічаць, што перасьцярогі перабольшаныя. Іншага меркаваньня прытрымліваецца польская газэта.

юл