100 гадоў да поўнай роўнасьці

Польшча заняла 39 месца. Тэму асьвятляе штодзёнка «Rzeczpospolita».

Пры сёньняшнім тэмпе грамадзкіх зьменаў у сьвеце, поўнае раўнапраўе палоў у эканамічным жыцьці ды сацыяльнай актыўнасьці адбудзецца праз 100 гадоў. Такую ацэнку выставілі экспэрты Сусьветнага эканамічнага форума. Арганізацыя апублікавала Сусьветны індэкс гендэрнай няроўнасьці.

Выданьне зазначае, што ўпершыню за апошнія 12 год, сытуацыя жанчын у сьвеце пагоршылася. Так летась адмыслоўцы ацэньвалі, што ва ўсясьветным маштабе шансы жанчын на ўдзел у грамадзкім ды сацыяльным жыцьці ў параўнаньні з мужчынамі складаюць 68,3%. Сёлета гэты паказьнік скараціўся да 68%. Скарачэньне здаецца нязначным, зазначае выданьне, але гэта некалькі дадатковых год у працэсе выроўніваньня шансаў.

Газэта зазначае, што адваротны працэс назіраецца ў Польшчы. Тут паказьнік шансаў жанчын на ўдзел вышэй за сусьветную сярэднюю і складае 72,8%. Больш за тое індэкс расьце, што дазволіла Польшчы заняць 39 пазыцыі сярод 144 краін ахопленых дасьледаваньнем. Непадалёк ад Польшчы апынулася й Беларусь з 74,4%. Лідарам зьяўляюцца скандынаўскія грамадзтвы. Та у Нарвэгіі ды Швэцыі згаданы паказьнік складае 83% і 81,6%.

юл