Палякі-добраахвотнікі займаюцца карэкціроўкай тэкстаў у СМІ

Выданьне «Rzeczpospolita» піша пра групу валянцёраў, якая была створаная некалькі гадоў таму. Гэта звыш 2,7 тыс. палякаў, што пражываюць у іншых краінах – агулам у больш чым сямідзесяці дзяржавах. Сябры групы прымаюць адпаведныя меры, калі знойдуць у сродках масавай інфармацыі краіны, дзе пражываюць, хлусьлівыя тэксты пра Польшчу. Гаворка ідзе пра такія фармулёўкі, як «польскія канцэнтрацыйныя лягеры», «польскі лягер сьмерці» або «польскае гета». З часу стварэньня групы зафіксавана больш за 3 тыс. такіх выпадкаў.

Колькасьць умяшаньняў складае каля 300-350 у год. Часам гэта простыя справы, якія ўдаецца неадкладна і маланкава вырашыць, а іншыя патрабуюць дзейнасьці некалькіх дзесяткаў чалавек і цягнуцца доўгі час, – гаворыць доктар Марэк Блажэяк, лекар з Гамбурга. Праца групы заключаецца галоўным чынам у адукаваньні замежных журналістаў і рэдакцый розных СМІ, – дадае Кшыштаф Ежэўскі, які пражывае ў Англіі.

Польскае МЗС не супрацоўнічае з групай, хаця ведае пра яе існаваньне. Дыпляматы самі стараюцца карэктаваць хлусьлівую інфармацыю, якая паяўляецца ў замежных СМІ. На шчасьце, ёсьць яшчэ людзі, якім не шкада свайго прыватнага часу, каб змагацца за добрае імя Айчыны, – камэнтуе справу выданьне.

Rzeczpospolita/нг