Сёньня афіцыйна стала вядома, што з новага навучальнага году ў Варшаве пачнуць працаваць дзьве беларускамоўныя групы – для дашкольнага і школьнага ўзросту. Пакуль у кожную з груп запісана па тры асобы, але мяркуецца, што колькасьць дзяцей да пачатку навучальнага году павялічыцца.
Навучаньне будзе праходзіць у варшаўскай школе №395. Гэта будуць заняткі для беларускай нацыянальнай меншасьці, якія прадугледжваюцца законам. Дзеці будуць дзьве гадзіны ў тыдзень вывучаць беларускую мову, але ня толькі – расказвае адзін з ініцыятараў стварэньня беларускамоўнага навучаньня Ўладзімір Міхневіч.
У. Міхневіч: Гэта будуць факультатыўныя заняткі па беларускай мове. Яны таксама прадугледжваюць навучаньне культуры і гісторыі Беларусі. Многае будзе залежыць ад настаўніка, які сам распрацуе спосаб навучаньня. Пад увагу трэба ўзяць ня толькі моўны, але і культурны, нацыянальны аспэкт, паколькі дзеці будуць з розным узроўнем веданьня беларускай мовы.
Гэта настаўнік будзе апрацоўваць праграму навучаньня і дапасоўваць яе да патрэбаў вучняў. Пакуль кандыдатура настаўніка ня выбраная, між іншым, таму, што невядома, ці патрэбна будзе адна ці больш асоб. Пакуль афіцыйна запісаных шэсьць чалавек (у абедзьве групы), але ўсё сьведчыць аб тым, што колькасьць жадаючых павялічыцца.
Беларускамоўныя групы ўзьніклі дзякуючы рашучаму стаўленьню і пільным намаганьням групы беларускамоўных бацькоў. Уладзімір Міхневіч кажа, што акрамя жаданьня бацькоў вялікую ролю адыграла прыхільнае стаўленьне польскага Міністэрства адукацыі і яго працаўнікоў.
У. Міхневіч: Міністэрства стварыла гэтыя групы дзякуючы ініцыятыве бацькоў. Цяпер ёсьць некалькі кандыдатаў на выкладчыкаў. Усё будзе залежыць ад колькасьці дзяцей. Заняткі будуць адбывацца па прынцыпу таго, як цяпер у Польшчы праходзяць заняткі рэлігіі ці этыкі. Я б хацеў выказаць вялікую ўдзячнасьць працаўнікам міністэрства, якія патлумачылі, што трэба зрабіць, каб клясы ўзьніклі. Без іх дапамогі ўзьнікненьне гэтых груп было б пад пытаньнем, паколькі працэдуры даволі складаныя і не празрыстыя.
Бацькі хацелі, каб дзеці вучылі беларускую мову ня толькі дома, але і ў рамках сыстэмы адукацыі. Дзякуючы гэтаму дзеці ў атэстаце могуць мець адзнакі па навучаньні беларускай мовы. «Мы хацелі, каб дзеці ведалі, што беларуская– гэта ня толькі хатняя мова», – гаворыць перакладчыца Марыя Луцэвіч-Напалкава. Гэта таксама дзякуючы ёй узьніклі беларускамоўныя групы.
М. Луцэвіч: Па-першае, я, як перакладчык, перакананая – чым больш моваў мы ведаем, тым лягчэй знайсьці свой шлях. Калі польскае заканадаўства дазваляе нам выкарыстаць такія мэханізмы, то трэба імі карыстацца. Па-другое, калі заняткі маюць фармальны характар, ёсьць настаўнік, то і стаўленьне да іх больш сур’ёзнае. Дзеткі таксама павінны ведаць, што беларуская мова – гэта ня толькі хатняя мова, сродак нефармальнай камунікацыі. Яны павінны ведаць, што гэта такая ж мова як і іншыя, якія вывучаюцца ў школе, што гэта мова, вывучэньнем якой можна займацца сур’ёзна.
Запісаць дзіця ў беларускамоўную групу можна да 20 верасьня. У сваю чаргу 14 верасьня а 18 гадзіне адбудзецца арганізацыйная сустрэча з кіраўніцтвам школы, прадстаўнікамі Міністэрства адукацыі і бацькамі.
Сёньня афіцыйна стала вядома, што з новага навучальнага году ў Варшаве пачнуць працаваць дзьве беларускамоўныя групы – для дашкольнага і школьнага ўзросту. Пакуль у кожную з груп запісана па тры асобы, але мяркуецца, што колькасьць дзяцей да пачатку навучальнага году павялічыцца.
Навучаньне будзе праходзіць у варшаўскай школе №395. Гэта будуць заняткі для беларускай нацыянальнай меншасьці, якія прадугледжваюцца законам. Дзеці будуць дзьве гадзіны ў тыдзень вывучаць беларускую мову, але ня толькі – расказвае адзін з ініцыятараў стварэньня беларускамоўнага навучаньня Ўладзімір Міхневіч.
У. Міхневіч: Гэта будуць факультатыўныя заняткі па беларускай мове. Яны таксама прадугледжваюць навучаньне культуры і гісторыі Беларусі. Многае будзе залежыць ад настаўніка, які сам распрацуе спосаб навучаньня. Пад увагу трэба ўзяць ня толькі моўны, але і культурны, нацыянальны аспэкт, паколькі дзеці будуць з розным узроўнем веданьня беларускай мовы.
Гэта настаўнік будзе апрацоўваць праграму навучаньня і дапасоўваць яе да патрэбаў вучняў. Пакуль кандыдатура настаўніка ня выбраная, між іншым, таму, што невядома, ці патрэбна будзе адна ці больш асоб. Пакуль афіцыйна запісаных шэсьць чалавек (у абедзьве групы), але ўсё сьведчыць аб тым, што колькасьць жадаючых павялічыцца.
Беларускамоўныя групы ўзьніклі дзякуючы рашучаму стаўленьню і пільным намаганьням групы беларускамоўных бацькоў. Уладзімір Міхневіч кажа, што акрамя жаданьня бацькоў вялікую ролю адыграла прыхільнае стаўленьне польскага Міністэрства адукацыі і яго працаўнікоў.
У. Міхневіч: Міністэрства стварыла гэтыя групы дзякуючы ініцыятыве бацькоў. Цяпер ёсьць некалькі кандыдатаў на выкладчыкаў. Усё будзе залежыць ад колькасьці дзяцей. Заняткі будуць адбывацца па прынцыпу таго, як цяпер у Польшчы праходзяць заняткі рэлігіі ці этыкі. Я б хацеў выказаць вялікую ўдзячнасьць працаўнікам міністэрства, якія патлумачылі, што трэба зрабіць, каб клясы ўзьніклі. Без іх дапамогі ўзьнікненьне гэтых груп было б пад пытаньнем, паколькі працэдуры даволі складаныя і не празрыстыя.
Бацькі хацелі, каб дзеці вучылі беларускую мову ня толькі дома, але і ў рамках сыстэмы адукацыі. Дзякуючы гэтаму дзеці ў атэстаце могуць мець адзнакі па навучаньні беларускай мовы. «Мы хацелі, каб дзеці ведалі, што беларуская– гэта ня толькі хатняя мова», – гаворыць перакладчыца Марыя Луцэвіч-Напалкава. Гэта таксама дзякуючы ёй узьніклі беларускамоўныя групы.
М. Луцэвіч: Па-першае, я, як перакладчык, перакананая – чым больш моваў мы ведаем, тым лягчэй знайсьці свой шлях. Калі польскае заканадаўства дазваляе нам выкарыстаць такія мэханізмы, то трэба імі карыстацца. Па-другое, калі заняткі маюць фармальны характар, ёсьць настаўнік, то і стаўленьне да іх больш сур’ёзнае. Дзеткі таксама павінны ведаць, што беларуская мова – гэта ня толькі хатняя мова, сродак нефармальнай камунікацыі. Яны павінны ведаць, што гэта такая ж мова як і іншыя, якія вывучаюцца ў школе, што гэта мова, вывучэньнем якой можна займацца сур’ёзна.
Запісаць дзіця ў беларускамоўную групу можна да 20 верасьня. У сваю чаргу 14 верасьня а 18 гадзіне адбудзецца арганізацыйная сустрэча з кіраўніцтвам школы, прадстаўнікамі Міністэрства адукацыі і бацькамі.
ав