У Беларусі зьмяняецца стаўленьне да жывёл

Ёсьць папулярнае выказваньне, што сабак – сябар чалавека. Аднак, стаўленьне да жывёл, у тым ліку сабак ды катоў, не заўсёды бывае сяброўскім. З гэтым стаўленьнем у Беларусі змагаюцца зоа-абаронцы. Наколькі ім гэта ўдаецца, размова з экспэртам з цэнтру «Анімалекс».

Існуе такое меркаваньне, што стаўленьне да жывёл зьяўляецца паказьнікам узроўню разьвіцьця ды цывілізаванасьці грамадзтва. Сапраўды, нешта ў гэтым ёсьць. Яшчэ 20 год таму да жывёл у нашым рэгіёне ставіліся ў першую чаргу прагматычна, як для харчовых ды гаспадарчых патрэб чалавека. Цяпер жывёлы часта – гэта блізкія людзям істоты. У краінах Заходняй ды Цэнтральнай Эўропы шырыцца грамадзкія кампаніі, якія заклікаюць да іншага стаўленьня да жывёл, больш гуманнага. Ладзяцца пратэсты супраць кепскіх умоў утрыманьня гаспадарчых жывёл або рытуальнага забіцьця. Таксама мясцовыя ўлады выдаткоўваюць сродкі на стэрылізацыю кінутых хатніх жывёл, падтрымку прытулкаў для жывёл ды адукацыю насельніцтва.

Ці ў Беларусі таксама назіраюцца гэтыя тэндэнцыі. Пра гэта мы размаўляем з Анастасіяй Жаўрыд з Цэнтру дапамогі бяздомным жывёлам «Анімалекс».

Слухайце размову ў гукавым файле

Размаўляў Юры Ліхтаровіч