Партугалія атрымала станоўчую ацэнку

Паводле міжнародных фінансавых установаў, Партугалія станоўча рэалізуе антыкрызысную праграму. У Брусэлі была прэзэнтаваная афіцыйная справаздача пасьля трэцяга кантролю ў Лісабоне, які прайшоў у лютым.

Прадстаўнікі Міжнароднага валютнага фонду, Эўрапейскай камісіі й Эўрапейскага цэнтральнага банку, якія ўвайшлі ў склад місіі, станоўча ацанілі захады партугальскага ўраду з мэтай паляпшэньня стану дзяржаўнай эканомікі. Адначасова, яны зьвярнулі ўвагу на неабходбнасьць правядзеньня рэформаў ды кансалідацыі эканомікі, а таксама рост беспрацоўя.

Станоўчая ацэнка гэтых крокаў дае Партугаліі магчымасьць хадайнічаць аб чарговым траншы міжнароднага крэдыту, гэтым разам у памеры 15 мільярдаў эўра.

Нагадаем, у мінулым годзе міжнародныя ўстановы прызналі Партугаліі 78 мільярдаў эўра крэдыту. Узамен Лісабон абавязаўся прытрымлівацца вельмі жорсткага антыкрызыснага пляну.

Тым ня менш скарачэньні й ашчаднасьці, якія праводзяць партугальскія ўлады, спрычыняюцца да росту супраціву з боку мясцовага грамадзтва.

аз