Новы выгляд пашукавіка „Google”

Канцэрн „Google” тэстуе новы выгляд сваёй пошукавай сыстэмы. Новае графічнае разьмяшчэньне кнопак павінна палягчыць доступ да іншых папулярных рэсурсаў фірмы.

Зьнікне разьмешчаны ўверсе манітора чорны навігацыйны пояс з закладкамі. Узамен паявіцца пояс шэрага колеру, зь якога можна будзе ўвайсьці ў мэню. У ім будуць знаходзіцца лінкі да іншых прадуктаў „Google”, то бок электроннай пошты „Gmail”, відэа-партала „YouTube”ды інфармацыйнага партала.

Прадстаўнікі канцэрну спадзяюцца, што дзякуючы гэтаму выгляд старонкі стане больш празрыстым, чым у канкурэнта – „Yahoo”.

Каб увайсьці на новыя рэсурсы, трэба будзе клікнуць на адпаведную кнопку два разы, а не як да гэтай пары - раз.

аз