Емэн: чарговыя сьмяротныя ахвяры

У Емэне супрацоўнікі сіл бясьпекі застрэлілі як мінімум чатырох удзельнікаў антыўрадавай дэманстрацыі ў Сане, сталіцы дзяржавы.
Трагедыя здарылася недалёка ад прэзыдэнцкага палацу. Мэдычныя службы паведамлюць пра дзясяткі параненых.

У Емэне вось ужо дзесяць месяцаў працягваюцца дэманстрацыі супраць аўтарытарнай улады прэзыдэнта Алі Абдулы Салега.

Учора падчас падобнай дэманстрацыі, у якой удзельнічалі дзясяткі тысячаў чалавек, емэнскія службы застрэлілі каля 12 чалавек.

Алі Абдула Салег кіруе краінай 33 гады. Праціўнікі абвінавачваюць яго ў парушэньні правоў чалавека й жорсткай барацьбе зь мясцовай апазыцыяй.

аз