ФРС не зьмяніў працэнтных статавак

Фэдэральная рэзэрвовая сыстэма ЗША (ФРС) прагаласавала амаль аднагалосна за ўтрыманьнем працэнтных ставак на бягучым узроўні ў межах 2,25-2,50%.

Першай рэакцыяй на рашэньне было аслабленьне даляра, які абясцэніўся ў адносінах да эўра ды іншых асноўных валют.

Зь іншага боку, на амэрыканскім фондавым рынку нязначна вырасьлі каціроўкі пасьля публікацыі справаздачы аб грашовай палітыцы, у тым ліку пайшоў угару індэкс S & P 500.

Фэдэральны камітэт па апэрацыях на адкрытым рынку ЗША, адказны за фармаваньне грашова-крэдытнай палітыкі ў Злучаных Штатах і вызначэньня мэтавага ўзроўню грашовай масы, паведаміў, што амэрыканскі рынак працы па-ранейшаму моцны, эканамічная актыўнасьць расьце ўмерана, беспрацоўе застаецца на гістарычна нізкім узроўні.

ПР/юл