Аплата за нямецкія аўтастрады – нязгодная з заканадаўствам ЭЗ

Такое рашэньне вынес Суд ЭЗ у Люксэмбурзе. Аплата за карыстаньне фэдэральнымі дарогамі ў Нямеччыне мела быць уведзена восеньню наступнага году. Аднак, рашэньне абскардзіла Аўстрыя, якую падтрымала Галяндыя.

Урад у Вене прызнаў, што аплаты зьяўляюцца дыскрымінацыяй іншаземцаў. Сёньня суд пагадзіўся з гэтым меркаваньнем.

«Аплата зьяўляецца дыскрымінацыйнай, паколькі яе эканамічны цяжар у практыцы спачывае толькі на ўладальніках і кіроўцах аўтамабіляў, зарэгістраваных у іншых чалецкіх краінах», – прызнаў Суд ЭЗ. У законе ёсьць запіс, што ў выпадку аўтамабіляў, зарэгістраваных у Нямеччыне, аплата павінна быць заплачана ў форме гадавой віньеткі. Пры гэтым нямецкія кіроўцы ўжо плацяць дарожны падатак, які павінен быў быць зьменшаны пасьля ўвядзеньня аплаты.

У сваю чаргу ў выпадку замежных аўтамабіляў аплаты павінны заплаціць кіроўцы пасьля перасячэньня мяжы з Нямеччынай. Аўстрыя і Галяндыя аргумэнтавалі, што цяжар аплаты адчуюць менавіта грамадзяне іншых краін.

ав