Ці новы прэзыдэнт Украіны будзе залежным ад алігархаў?

Новаабраны прэзыдэнт Украіны Ўладзімір Зяленскі завярае, што ён будзе незалежным ад алігархаў. І заяўляе, што ў часы яго кіраваньня краінай адносіны з бізнэсам будуць празрыстымі. На думку назіральнікаў, вельмі важна аддзяліць бізнэс ад украінскай палітыкі, але зрабіць гэта будзе вельмі нялёгка.

Меркаваньнем палітоляга Ігара Тышкевіча, у Зяленскага ёсьць шанец на тое, каб бізнэс пачаў працаваць ва Ўкраіне паводле законаў. Па ягоных словах, алігархі гатовыя стаць сапраўднымі бізнэсмэнамі і граць паводле правіл, але ім патрэбны арбітар.

У сваю чаргу ў магчымасьці новага прэзыдэнта ня верыць палітоляг Мікола Давідзюк. Ён заяўляе, што Зяленскі заняў месца Пятра Парашэнкі ў схеме алігархаў. Палітоляг кажа, што за новым прэзыдэнтам стаіць некалькі багатых ды ўплывовых групаў, для якіх дзяржава – гэта ўласная зона ўплыву. А хто на самой справе стаіць за прэзыдэнтам, мы пераканаемся, калі ён пачне прымаць першыя рашэньні.

Уладзімір Зяленскі атаясамліваецца з адным з самых багатых украінскіх алігархаў Ігарам Каламойскім. Такія падазрэньні ўзьнікаюць перш за ўсё з-за таго, што шоў Зяленскага выходзяць пераважна на тэлеканале Каламойскага «1+1».

ІАР ПР/нг