Кім Чэн Ын гатовы да новых перамоваў з ЗША

Лідэр Паўночнай Карэі Кім Чэн Ын заявіў, што ён зацікаўлены ў правядзеньні сустрэчы з Дональдам Трампам.

Пры гэтым ён выставіў умову, калі Злучаныя Штаты будуць мець «правільнае стаўленьне», – паведаміла інфармацыйнае агенцтва KCNA. Паўночнакарэйскі лідар зазначыў, што чакае рашэньня па гэтым пытаньні да канца года.

Лідэр Паўночнай Карэі заявіў, што зрыў перамоваў са Злучанымі Штатамі падчас саміту ў Ханоі павысіла рызыку вяртаньня да былой напружанасьці. Кім Чэн Ын заявіў, што саміт паказаў, што Злучаныя Штаты не зусім гатовыя да паляпшэньня адносіны паміж дзьвюма краінамі. Кім дадаў, што ў Ханоі амэрыканцы мелі «зусім недасягальныя пляны» і «не былі па сапраўднаму гатовыя сесьці твар у твар і вырашыць праблемы.»

Дональд Трамп і Кім Чэн Ун сустрэліся ўжо двойчы, у Ханоі ў лютым, і ў Сінгапуры ў чэрвені мінулага года. Ніводная з гэтых сустрэч не завяршылася падпісаньнем пагадненьня аб зьняцьці санкцый у абмен на адмову Паўночнай Карэі ад ядзернай і ракетнай праграм.

ПР/юл