У Цюмені прайшла контратэрарыстычная апэрацыя

У расейскім горадзе Цюмені з 700 тысячамі жыхароў сілавікі падчас перастрэлкі забілі меркаваных прыхільнікаў групоўкі «Ісламская дзяржава».

Колькасьць забітых удакладняецца.

Паводле СМІ, падазраваныя чынілі ўзброены супраціў. У адным з дамоў на месцы правядзеньня апэрацыі ўсчаўся пажар.

Некалькі гарадзкіх вуліц адключылі ад электрычнасьці, а жыхароў дамоў эвакуявалі.

У Цюмені ўвялі рэжым контратэрарыстычнай апэрацыі. Паводле Фэдэральнай службы бясьпекі Расеі, 12 красавіка зьявілася інфармацыя, што ў адным з прыватных дамоў знаходзяцца ўзброеныя прыхільнікі групоўкі «Ісламскай дзяржавы».

У ФСБ сьцьвярджаюць, што яны плянавалі ўчыніць тэракт. Заведзеная крымінальная справа.

У сацыяльных сетках зьявіліся фатаграфіі з паліцэйскімі машынамі і бранятэхнікай.

Паводле Радыё «Свабода»/Эхо Москвы/юл