Трамп зьвінаваціў Google у дапамозе Кітаю

Прэзыдэнт ЗША Дональд Трамп абвінаваціў кампанію Google у дапамозе Кітаю і яго арміі пасьля крытыкі з боку генэралаў.

Старшыня Камітэта начальнікаў штабоў (КНШ) УС Злучаных Штатаў Джозэф Данфорд заявіў, што праца інтэрнэт-гіганта ў КНР прыносіць карысьць узброеным сілам гэтай краіны.

«Google дапамагае Кітаю ды іх арміі, але не ЗША. Жудасна! Добрыя навіны палягаюць на тым, што яны дапамагалі несумленнай Хілары Клінтан, а не Трампу. І што з гэтага атрымалася? »- напісаў амэрыканскі лідэр у суботу ў Twitter.

Данфорд, выступаючы 14 сакавіка на слуханьнях у камітэце па справах УС Кангрэса ЗША, выказаў меркаваньне, што дзейнасьць Google у Кітаі прыносіць карысьць кітайскай арміі. Паводле ягоных слоў, ЗША «з вялікім непакоем назіраюць» за працай у Кітаі «партнэраў у сфэры прамысловасьці», якая зьяўляецца «прамой выгадай для кітайскай арміі».

У кампаніі Google заявілі, што не супрацоўнічаюць з кітайскімі вайскоўцамі. «Мы працуем з урадам ЗША, у тым ліку з міністэрствам абароны, у многіх галінах», – паведамляе пра заяву кампаніі Wall Street Journal.

ПР/юл