У Барсэлёне прайшоў марш за незалежнасьць

Каля 200 тысяч чалавек выйшлі на марш за незалежнасьць Каталёніі, які прайшоў у Барсэлёне.

Яго ўдзельнікі скандзіравалі лёзунгі «Свабоду!» і «Незалежнасьць!», несучы сьцягі і фотаздымкі каталёнскіх мясцовых палітыкаў, якія абвінавачваюцца гішпанскім судом у арганізацыі рэфэрэндуму аб незалежнасьці ў 2017 годзе. Працэс 12 з іх пачаўся некалькі дзён таму ў Мадрыдзе.

Марш меў мірны характар. На дэманстрацыі прысутнічалі кіраўнік мясцовых уладаў Кім Тора і сьпікер Каталёнскага парлямэнта Ражэр Торэн.

ПР/юл