Данія будуе плот на мяжы зь Нямеччынай

Агароджа вышынёй у 2 мэтры павінна затрымаць нямецкіх дзікоў заражаных вірусам афрыканскай чумы сьвіней. Дацкі праект будаўніцтва сьцяны выклікаў неадназначную рэакцыю ў Нямеччыне. Паводле дацкіх чыноўнікаў, плот будзе эфэктыўным бар’ерам на шляху распаўсюджваньня афрыканскай чумы сьвіней.

Аднак жыхары нямецкай фэдэральнай зямлі Шлезьвіг-Гальштайн, якая мяжуе з Даніяй, абураныя дацкай ініцыятывай. Бургамістар нямецкага памежнага раёну Гандэвіт Фрындрых Рызэ заявіў, што будаўніцтва сьцяны супярэчыць каштоўнасьцям аб’яднанай Эўропы, таксама палітык ня верыць у эфэктыўнасьць плота ў барацьбе з афрыканскай чумой сьвіней.

Паводле датчан, сьцяна павінна выконваць прафіляктычную функцыю. Будаўніцтва плота павінна абараніць дацкі рынак сьвінагадоўлі. Штогод Данія экспартуе сьвініны на агульную суму звыш 4,5 мільярдаў эўра.

IAR/эж