ЗША выслалі ваенны карабель у Чорнае мора

Спачатку інфармацыю пра тое, што ваенны карабель ЗША накіроўваецца ў Чорнае мора, паведаміў і амбасадар Украіны ў ЗША Валерый Чалы. Потым прыйшло пацьверджаньне з Пэнтагону.

Камандаваньне 6-га флёту ВМС ЗША паведаміла, што ў Чорнае мора накіраваўся амэрыканскі эсьмінец USS Donald Cook (DDG-75). Цяпер карабель праходзіць Дарданэлы.

Вашынгтон заявіў, што акцыя ладзіцца ў рамках падтрымкі ВМС ЗША саюзьнікаў і партнэраў у агульных рэгіянальных інтарэсах, а таксама дзеля забесьпячэньня стабільнасьці на моры.

«Наш візыт прадэманструе ўзаемадзеяньне ВМС у дасягненьні агульных мэтаў бясьпекі ў гэтым рэгіёне», – адзначыў камандзір карабля Мэцью Паўэл.

ПР/юл