У сталіцы Калюмбіі Багаце адбыўся тэракт

Па меншай меры 21 чалавек загінуў у выніку нападу на паліцэйскую школу ў Багаце, а 68 атрымалі раненьні. Выбух прагрымеў 17 студзеня.

Улады паведамілі, што напад адбыўся пры дапамозе аўтамабіля, у якім знаходзіліся каля 80 кіляграм выбухоўкі, і які быў прыпаркаваны каля паліцэйскай школы. Адным зь загінулых зьяўляецца тэрарыст-сьмяротнік. Сьледзтва ўжо высьветліла імя зламысьніка. Гэта грамадзянін Калюмбіі.

Прэзыдэнт Калюмбіі Іван Дуке Маркес абвясьціў агульнанацыянальную жалобу. У сваім звароце да нацыі палітык асудзіў напад і паабяцаў узмацніць межы краіны, а таксама завастрыць кантроль на дарогах, якія вядуць у гарады.

Іван Дуке Маркес падкрэсьліў, што сьледзтва па справе тэракту мае прыярытэтны характар.

Тэракты з выкарыстаньнем аўтамабіляў з выбухоўкай былі адным з самых распаўсюджаных мэтадаў барацьбы леварадыкальных калюмбійскіх паўстанцаў.

IAR/эж