Кітай: Законапраекты, скіраваныя супраць Huawei i ZTE, гэта праяў гістэрыі

Міністэрства замежных спраў Кітая заявіла ў чацьвер, што прадстаўленыя амэрыканскім кангрэсмэнамі законапраекты, скіраваныя супраць Huawei, ZTE і іншых кітайскіх вытворцаў тэхналягічнага абсталяваньня, гэта праяў гістэрыі. Міністэрства заклікала амэрыканскіх кангрэсмэнаў не разглядаць праекты.

У сераду група кангрэсмэнаў прадставіла законапраекты, якія прадугледжваюць забарону продажу амэрыканскіх чыпаў і іншых кампанэнтаў канцэрнам Huawei Technologies, ZTE Corp і іншым кітайскім фірмам, якія парушаюць амэрыканскія санкцыі ці правілы кантролю экспарту.

Справа абмежаваньняў для Huawei i ZTE лічыцца ў ЗША ўсё больш тэрміновай, паколькі амэрыканскія пастаўшчыкі інтэрнэту шукаюць партнэраў для будовы сеткі 5G. У жніўні быў прыняты закон, які забараняе амэрыканскай адміністрацыі карыстацца тэхнікай абедзьвюх фірм.

ав