Палякі дапамагаюць людзям на трох кантынэнтах

У 2018 годзе гуманітарная дапамога з Польшчы накіроўвалася на тры кантынэнты, у тым ліку ў такія краіны, як Ірак, Сырыя, Ярданія, Паўднёвы Судан і Ўкраіна. Гэта работа каардынуецца дэпартамэнтам гуманітарнай дапамогі, створаным год таму.

Больш за паўтысячы пасылак было адпраўлена 13 студзеня з польскага горада Пулавы ва Ўкраіну ў межах кампаніі «Палякі — суайчыньнікам». У 19-ы раз па ініцыятыве сэнатара Станіслава Гогача бела-чырвоныя пасылкі адпраўляюцца польскім сем'ям, якія жывуць ва Ўсходняй Эўропе. Кожная важыць ад 10 да 15 кіляграмаў, у іх, сярод іншага, прадукты з доўгім тэрмінам прыдатнасьці, цацкі для дзяцей і кнігі. Пасылкі будуць раздадзены падчас пяцідзённага тура па Ўкраіне. Як расказаў Артур Квапіньскі, каардынатар кампаніі, штодзень з раніцы да вечара валянтэры будуць езьдзіць ад паселішча да паселішча, дзе ў польскіх дамах, дамах культуры, касьцёлах сустрэнуцца з суайчыньнікамі. Будуць разам сьпяваць і размаўляць.

вк