Тэрарыстычная атака на будынак МЗС у сталіцы Лівіі

Трое мужчын напалі ў аўторак на будынак лівійскага МЗС у Трыпалі. Ім удалося забіць двух чалавек перад тым, як самі былі забітыя. Тэрарысты найперш узарвалі выбуховую прыладу ў аўтамабілі, пазьней мужчыны абстралялі будынак міністэрства. Двое ўварваліся ў МЗС, дзе сябе падарвалі. Трэцяга тэрарыста застрэлілі ахоўнікі міністэрства.

Па інфармацыі лівійскага міністэрства здароўя, акрамя нападаючых, загінулі тры асобы, а 21 была параненая.

Лівія – гэта дзяржава, дзе з 2011 году пануе хаос, з часу паўстаньня, у выніку якога загінуў шматгадовы дыктатар Муамар Кадафі. З 2014 году ў гэтай афрыканскай краіне змагаюцца паміж сабой розныя палітычныя і вайсковыя фракцыі. Унутраная сытуацыя ў дзяржаве спрыяе дзейнасьці Ісламскай дзяржавы ды іншых тэрарыстычных груповак.

ПР/нг