Маракі зьяўляюцца ваеннапалоннымі й суду не падлягаюць – кіраўнік МЗС Украіны

Украінскія маракі, якіх затрымалі ў Расеі, зьяўляюцца ваеннапалоннымі й суду не падлягаюць, заявіў у аўторак, 27 лістапада, міністар замежных спраў Украіны Павел Клімкін.

«Паколькі ваеннапалонных судзіць нельга, гэта маразм, але Расея гэта робіць», – сказаў міністар.

Ён таксама адзначыў, што цяпер важна абараніць іх хаця б на бліжэйшыя дні. Для гэтага вядуцца перамовы з Чырвоным Крыжам.

Клімкін таксама адзначыў, што МЗС выкарыстоўвае розныя каналы для атрыманьня інфармацыі аб украінскіх мараках.

Сёньня раніцай затрыманых украінскіх маракоў павезьлі ў суд Сімфэропаля.
Нагадаем, увечары 25 лістапада ля Керчанскага моста спэцназ РФ захапіў тры ўкраінскія караблі. У выніку былі параненыя шэсьць украінскіх вайскоўцаў. ФСБ Расеі абвінаваціла ўкраінскі бок у «небясьпечных манэўрах» падчас заходу ў «закрытую акваторыю тэрытарыяльнага мора РФ».

паводле корреспондент/вс