Польшча й Грузія разьвіваюць супрацу паміж парлямэнтамі

Старшыня Сэйму Польшчы (ніжняй палаты парлямэнту) Марэк Кухціньскі прыбыў з двухдзённым афіцыйным візытам у Грузію. У плянах, у прыватнасьці, падпісаньне старшынямі парлямэнтаў абедзьвюх краін статуту Парлямэнцкай асамблеі Польшчы й Грузіі.

«Мы ўмацоўваем наша партнэрства, разьвіваем супрацоўніцтва й сяброўства паміж нашымі народамі», – напісаў Марэк Кухціньскі на сваім профілі ў сетцы Tweeter.

У аўторак, 6 лістапада, старшыня Сэйму ўскладзе кветкі да помніка прэзэдэнту Польшчы Леху Качыньскаму й да Мэмарыяла ў памяць аб загінуўшых за адзінства Грузіі.

Падчас свайго знаходжаньня ў Тбілісі Марэк Кухціньскі таксама прыме ўдзел у адкрыцьці польскай бібліятэкі ў будынку Нацыянальнай парлямэнцкай бібліятэкі Грузіі.

вс