ЗША намераны выйсьці з дамоўленасьці аб ракетах сярэдняй дальнасьці

Прэзыдэнт Дональд Трамп заявіў аб намеры ЗША выйсьці з дамовы аб ліквідацыі ракет сярэдняй і малой дальнасьці. Рашэньне амэрыканцы намераныя перадаць расейскім уладам на працягу бліжэйшых дзён. Белы дом тлумачыць, што Расея здаўна парушае пагадненьне, а Кітая яно агулам не датычыць.

Дамова аб ліквідацыі ракет сярэдняй дальнасьці была падпісаная ў 1987 годзе прэзыдэнтамі Рональдам Рэйганам і Міхаілам Гарбачовым. Дакумэнт забараняе ўзбраеньне ракетамі дальнасьці ад 500 да 5500 кілямэтраў, у тым ліку з ядзернымі боегалоўкамі.

Пра выхад ЗША з дамоўленасьці павінен паведаміць расейскія ўлады дарадчык прэзыдэнта Трампа па пытаньнях нацыянальнай бясьпекі Джон Болтан, які на гэтым тыдні намераны зьдзейсьніць падарожжа ў Маскву.

ПР/нг