ЭЗ патрабуе ад Лёндана амаль 3 млрд эўра нявыплачаных збораў

Эўрапейская камісія накіравала Вялікабрытаніі юрыдычнае паведамленьне пра тое, што краіна ня выплаціла 2,7 млрд эўра мытных плацяжоў у бюджэт Эўрапейскага Зьвязу.

«Камісія падлічыла, што парушэньні заканадаўства ЭЗ Злучаным Каралеўствам прывялі да страт бюджэту ЭЗ на суму 2,7 млрд эўра ў пэрыяд зь лістапада 2011 году па кастрычнік 2017 году», – гаворыцца ў паведамленьні на сайце ЭК.

У Эўракамісіі адзначылі, што Вялікабрытанія таксама парушыла заканадаўства ЭЗ па падатку на дададзеную вартасьць, што можа прывесьці да дадатковых патэнцыйных страт бюджэту ЭЗ.

Абвінавачваньні тычацца ўвозімых з Кітая тэкстыльных тавараў і абутку.

У Брытаніі ёсьць два месяцы, каб выканаць рэкамэндацыі. Калі гэтага не адбудзецца, Эўракамісія можа перадаць справу ў Эўрапейскі суд.

корреспондент/вс