У нядзелю ў Парыжы прайшоў «Дзень без аўтамабіля»

У нядзелю, 16 верасьня, у Парыжы прайшоў «Дзень без аўтамабіля». Акцыя мае як прыхільнікаў, так і праціўнікаў. «Дзень без аўтамабіля» адбыўся чацьверты па ліку раз, а яго мэта – абмежаваць колькасьць аўто ў сталіцы й палепшыць экалягічную сытуацыю.

Пры ўезьдзе ў Парыж з самай раніцы рэгуліроўшчыкі, апранутыя ў сьвятлоадбівальную вопратку, перакрылі вуліцы і ўпускалі ў сталіцу толькі аўтобусы, транспартныя сродкі гарадзкіх служб, карэты хуткай дапамогі, пажарных ды таксі.

У некаторых раёнах было ўведзенае абмежаваньне хуткасьці да 30 км/г, а Елісейскія палі ўвогуле закрылі для руху й стварылі на адзін дзень на гэтай вуліцы пешаходную зону. Абмежаваньне не ахоплівала матацыклаў, скутэраў і электракараў. Паводле дадзеных, у нядзелю ў некаторых раёнах Парыжа выкіды шкодных рэчываў зьменшыліся адно на 25%.

вс