У Каталёніі праходзіць акцыя жоўтай стужкі

Каталёнская паліцыя прасьледуе людзей, якія здымаюць жоўтыя стужкі з вуліц і будынкаў у гэтым рэгіёне. Гэты сымбаль зьяўляецца выразам салідарнасьці з палітыкамі Каталёніі, якіх затрымалі леташняй восеньню за спробу абвясьціць незалежнасьць рэгіёна.

За зьняцьце стужкі пагражае штраф ад 601 да 30 тысяч эўра.

Жоўтая стужка стала сымбалем салідарнасьці з прыхільнікамі незалежнасьці Каталёніі. Такія стужкі прымацаваны ў парлямэнце Каталёніі на крэслах дэпутатаў, якія пакінулі краіну з-за боязі быць арыштаванымі. Сярод іх былы прэм'ер-міністар рэгіёна Карлес Пуджэмон.

27 ліпеня Вярхоўны суд Гішпаніі адмовіўся выпусьціць з турмы дзевяць палітычных дзеячаў Каталёніі, якіх абвінавацілі ў арганізацыі рэфэрэндуму аб незалежнасьці рэгіёна ў 2017 годзе. Мадрыд лічыць галасаваньне незаконным.

Адным з ініцыятараў акцыі жоўтай стужкі зьяўляецца трэнэр футбольнага клюба Manchester United Пэп Гвардыёля, ураджэнец Каталёніі.

вк