Паўночная Карэя перадала ЗША парэшткі амэрыканскіх жаўнераў

Парэшткі 55 амэрыканскіх салдат, якія загінулі падчас Карэйскай вайны, былі перададзеныя амэрыканскаму боку, паведамляе Белы дом.

Сёньня ў 5 гадзін раніцы паводле менскага часу, ваенны самалёт ЗША ажыцьцявіў транспарт салдацкіх астанкаў з тэрыторыі Карэйскай Народна-дэмакратычнай Рэспублікі на тэрыторыю ваеннай базы ЗША ў Паўднёвай Карэі.

Прэс-сакратар Белага дому паведаміла, што гэта першы й вельмі важны крок для масавай перадачы парэшткаў амэрыканскіх вайскоўцаў. Прэзыдэнт ЗША Дональд Трамп на сваім акаўнце ў сацыяльнай сетцы Twitter, камэнтуючы перадачу парэшткаў, выказаў асабістую падзяку паўночнакарэйскаму кіраўніку Кім Чын Іну.

Нагадаем 65 гадоў таму, 27 ліпеня 1953 году паміж Паўднёвай і Паўночнай Карэяй было заключанае перамір'е, якое працягваецца па сёньняшні дзень.

эж