Японія будзе даваць бацькам 340$ на аплату дзіцячых садкоў

Урад Японіі зацьвердзіў праграму грашовай дапамогі на дзяцей дашкольнага ўзросту.

Інфармацыйнае агенцтва Kyodo паведамляе, што плянуецца штомесяц выплачваць з дзяржаўнага бюджэту каля 340$ на кожнае дзіця ва ўзросьце ад 3 да 5 гадоў. Прымаць рашэньне пра выдачу дапамогі, будуць органы мясцовага самакіраваньня. Выплаты будуць распаўсюджвацца і на сем’і з высокім прыбыткам.

Праграма будзе ўводзіцца паступова. Плянуецца, што ад красавіка 2019 года дапамогу будуць выплачваць на выхаванцаў дзіцячых садоў толькі ва ўзросьце 5 гадоў. А ўжо ад красавіка 2020 года сыстэма ахопіць усіх дзяцей, якія наведваюць садкі.

Таксама японскія ўлады не выключаюць, што такая сыстэма пазьней можа працаваць і ў дачыненьні да школьнікаў і студэнтаў. Такім чынам Японія паступова хоча перайсьці да бясплатнай сыстэмы адукацыі.

belsat.eu/эж