Суд арыштаваў Аляксея Навальнага на 30 сутак

Цьвярской раённы суд Масквы арыштаваў апазыцыйнага палітыка Аляксея Навальнага на 30 сутак за арганізацыю несанкцыянаванай акцыі пратэсту ў цэнтры сталіцы 5 траўня.

Рашэньне суду Навальны сустрэў з усьмешкай. Падчас пасяджэньня ён заявіў, што ня згодны з абвінавачваньнем. «Я грамадзянін Расейскай Фэдэрацыі, і ў мяне няма забаронаў на правядзеньне якіх-небудзь мерапрыемстваў (...). Мерапрыемства было абсалютна мірным», – сказаў палітык, якога цытуе «Коммерсант».

Цяпер суд разглядае другую справу супраць Аляксея Навальнага – пра непадпарадкаваньне супрацоўнікам паліцыі.

Аляксея Навальнага затрымалі на акцыі 5 траўня ў Маскве, на наступны дзень яго адпусьцілі да судовага паседжаньня.

Акцыі прыхільнікаў апазыцыйнага палітыка прайшлі ў 27 гарадах Расеі.

вс