У Бэльгіі да 20 гадоў турмы прыгаварылі джыхадыста

Сёньня бэльгійскі суд прыгаварыў джыхадыста Салаха Абдэслама да 20 гадоў пазбаўленьня волі за спробу забойства паліцыянтаў у Брусэлі ў 2016 годзе. Пасьля тэрактаў у Парыжы паміж паліцыянтамі і Абдэсламам адбылася перастрэлка.

Салах Абдэслам зьяўляецца адзіным жывым чальцом групы джыхадыстаў, якая зьдзейсьніла тэракты ў Францыі 13 лістапада 2015 году, у якіх загінулі 130 чалавек.

28-гадовы джыхадыст, францускі грамадзянін, народжаны і выхаваны ў сям’і мараканскіх мігрантаў у Брусэлі, не прысутнічаў на судзе. Ён знаходзіцца ў францускай турме, дзе чакае суду ў справе свайго ўдзелу ў парыскіх тэрактах.

ав