"The Telegraph": вядомыя асобы, падазраваныя ў атацы на Скрыпаля

Брытанская паліцыя і спэцслужбы высьветлілі асобы, падазраваныя ў атручэньні былога расейскага агента Сяргея Скрыпаля. Пра гэта паінфармавала газэта "The Telegraph", якая не назвала іх імёны.

Паводле выданьня, функцыянэры антытэрарыстычнай паліцыі працуюць над фармулёўкай абвінавачаньня ў дачыненьні да асоб, замешаных у справу. Праўдападобна, яны знаходзяцца ў Расеі. Каб высьветліць асобы падазраваных, службы прааналізавалі дадзеныя пасажыраў авіяліній, якія прылятаюць і адлятаюць з Вялікабрытаніі. Былі выкарыстаныя здымкі з маніторынгу ў Солсбэры, дзе 4 сакавіка адбылася спроба атручэньня Сяргея Скрыпаля і яго дачкі Юліі.

Сяргей Скрыпаль, былы падвойны агент, які перадаваў брытанскай выведцы інфармацыю расейскіх спэцслужб, разам з дачкой былі атручаныя моцным таксычным рэчывам “Навічок”. Лёндан мяркуе, што гэта была атрута расейскай вытворчасьці, а ў атацы абвінавачвае Расею. Сяргей Скрыпаль надалей знаходзіцца ў шпіталі.

ав