Швэцыя можа забараніць жабрацтва

Былы швэдзкі каардынатар па справах мігрантаў-грамадзян ЭЗ Марцін Вальфрыдсан прапануе ўвесьці ў Швэцыі пакараньне за жабрацтва. Паводле яго, забарона спыніць злачынствы, якія зьдзяйсьняюць цыганы з Баўгарыі і Румыніі.

Калі ў лютым 2016 году Вальфрыдсан сыходзіў са сваёй пасады, то рэкамэндаваў ураду прыняць законы, якія не дазволяць цыганам будаваць нелегальныя мікрараёны. Ён намякаў, што праблема вырашыцца, калі швэды перастануць даваць грошы жабракам, аднак выступаў супраць увядзеньня поўнай забароны жабрацтва. Цяпер палітык памяняў меркаваньне.

Мяркуецца, што ў Швэцыі знаходзіцца каля 4 тысяч румынскіх і баўгарскіх цыганоў. У многіх швэдзкіх гарадах перад крамамі можна пабачыць цыганак-жабрачак.

Некалькі дзён таму нарвэская тэлевізія паказала сьледчы рэпартаж, які даказваў, што цыганы ствараюць там злачынную сетку, якая акрамя жабрацтва займаецца гандлем наркотыкамі і прастытуцыяй.

ав