Трамп рэагуе на пагрозы Паўночнай Карэі

Апроч таго, ён раскрытыкаваў Кітай за тое, што «не жадае дапамагчы ЗША» па пытаньні Паўночнай Карэі.

Паўночная Карэя нядаўна абвясьціла, што выйшла на заключны этап распрацоўкі ракет з ядзернай зброяй, якія маглі б дасягнуць часткі тэрыторыі Злучаных Штатаў.

"Гэта ніколі ня здарыцца!" - заявіў Дональд Трамп. Ён пракамэнтаваў навагодні выступ лідара Паўночнай Карэі Кім Чэн Ына, у якім той заявіў, што падрыхтоўка да запуску міжкантынэнтальнай балістычнай ракеты ўвайшла ў апошнюю стадыю.

У адказ на гэта Трамп заявіў, што Злучаныя Штаты павінны «істотна ўмацаваць свой ядзерны патэнцыял, а таксама раскрытыкаваў Пэкін, які зарабляе на гандлі з Амэрыкай, а ня хоча дапамагчы ў справе Паўночнай Карэі.

ПР/юл