Ісламская дзяржава ўзяла на сябе адказнасьць за тэракт у Бэрліне

Ісламская дзяржава ўзяла на сябе адказнасьць за падрыхтоўку й правядзеньне тэракту ў Бэрліне. У сваю чаргу ўчора ўвечары 23-гадовы пакістанец, які падазраваўся ў яго зьдзяйсьненьні, быў вызвалены з-пад варты. Нямецкая паліцыя надалей шукае тэрарыста, які ўрэзаўся фурай у натоўп людзей у сталіцы Нямеччыны. Па гэтай прычыне быў узмоцнены кантроль таксама на мяжы з Польшчай.

Дадатковыя ўзброеныя супрацоўнікі паліцыі паявіліся таксама на чыгуначных вакзалах, у аэрапортах і ў цэнтры Бэрліна.

Да гэтай пары ў бэрлінскіх шпіталях застаецца 25 чалавек, 14 зь іх у вельмі цяжкім стане.

Нагадаем, у тэракце, які быў праведзены падчаc каляднага кірмашу, загінулі 12 чалавек, у тым ліку польскі кіроўца фуры, на якой тэрарыст урэзаўся ў натоўп людзей. Параненыя былі каля 50 чалавек.

Паводле нямецкай паліцыі, паляка хутчэй за ўсё застрэліў тэрарыст, які пазьней кіраваў трэйлерам.

аз