Партыя Мэркель адобрыла кандыдатуру Штайнмаера на пасаду прэзыдэнта
PR dla Zagranicy
Valery Sauko
14.11.2016 17:53
Паўнамоцтвы цяперашняга прэзыдэнта краіны Ёахіма Гаўка заканчваюцца 12-га лютага 2017 года.
Франк-Вальтэр Штайнмаер (у цэнтры)PAP/EPA/OLIVIER HOSLET
Хрысьціянска-дэмакратычны зьвяз на чале з канцлерам Нямеччыны Ангелай Мэркель падтрымаў кандыдатуру міністра замежных спраў Франка-Вальтэра Штайнмаера на пасаду прэзыдэнта краіны.
Акрамя таго, з гэтай прапановай таксама пагадзілася Сацыял-дэмакратычная партыя Германіі, членам якой зьяўляецца цяперашні кіраўнік МЗС.
Лідар сацыял-дэмакратаў Зігмар Габрыэль ужо раней называў Штайнмаера цудоўным кандыдатам на гэтую пасаду.
Такім чынам, пасьля шматтыднёвых дыскусій сярод палітычных сіл Франк-Вальтэр Штайнмаер стаў асноўным кандыдатам на выбарах прэзыдэнта Нямеччыны. Галаву дзяржавы ў Германіі выбірае парлямэнт.
Паўнамоцтвы цяперашняга прэзыдэнта краіны Ёахіма Гаўка заканчваюцца 12-га лютага 2017 года.
вс