93-гадовы вэтэран перасек Амэрыку

Вэтэран зладзіў гэтую вандроўку, каб сабраць грошы на дабрачынную мэту.

"Я вырашыў зрабіць гэта, таму што я хацеў перажыць нешта цудоўнае, незвычайную прыгоду. Яшчэ я хацеў сабраць грошы, каб аднавіць адзін з ваенных караблёў да 75-й гадавіны высадкі саюзьнікаў у Францыі, каб ён зноў вярнуўся ў Нармандыю», - падкрэсьліў 93-гадовы Эрні Андрус. Цяпер карабель знаходзіцца ў штаце Індыяна. Андрус служыў мэдыкам на падобным статку падчас Другой сусьветнай вайны.

Ягоны паход праз Амэрыку доўжыўся два гады і дзесяць месяцаў. Сотні людзей, у тым ліку бліжэйшыя сваякі ды шматлікія сябры сустракалі яго на пляжы на востраве Сьв. Сымона, дзе пасьля першага кантакту з акіянам скончылася ягоная вандроўка.

На адмысловую цырымоніі прыйшлі таксама тыя, з кім вэтэран пазнаёміўся падчас сваёй вандроўкі. Эрні Андрус пачаў яе над Ціхім акіянам ў Сан-Дыега 7 кастрычніка 2013 года.

ПР/юл