У Турцыі звольнілі 257 працаўнікоў апарату прэм’ер-міністра

У Турцыі звольнілі 257 працаўнікоў апарату прэм’ер-міністра Біналі Йылдырыма (Binali Yıldırım), якія падазраюцца ў дачыненьні да спробы ваеннага перавароту, што адбыўся ў краіне ў мінулую пятніцу. Агулам у апараце працуе каля 2600 чалавек. Свае працоўныя месцы таксама страцілі 492 службовыя асобы Ўпраўленьня па справах рэлігіі Турцыі – установы, якая займаецца ісламскім пытаньнем.

Згаданыя звальненьні сталі чарговым этапам «чысткі», якая ажыцьцяўляецца турэцкімі ўладамі ў адказ на спробу ваеннага перавароту. Дагэтуль амаль што 20 тыс. чалавек было затрымана, адхілена альбо звольнена са сваіх пасадаў. Найбольшыя чысткі былі праведзеныя сярод салдатаў, паліцыянтаў, судзьдзяў і дзяржаўных служачых.

Нагадаем, што ў ходзе сутыкненьняў падчас няўдала перавароту загінулі больш за 300 чалавек, а 1 тыс. 500 атрымалі раненьні.

вс