У Сэрбіі мужчына адкрыў стральбу ў кафэ

Узброены мужчына адкрыў стральбу ў кавярні на поўначы Сэрбіі. У выніку загінулі 5 чалавек, у тым ліку жонка злачынца, а мінімум 20 чалавек атрымалі раненьні.

Трагедыя здарылася ноччу ў кавярні адной зь вёсак каля горада Зрэнянін. Паводле паліцыі, мужчына спачатку стрэліў у сваю жонку й іншую жанчыну, а пазьней адкрыў агонь па іншых наведвальніках кавярні. Сьведкі паведамляюць, што перад трагедыяй мужчына ўбачыў у кафэ жонку ў групе знаёмых, пасьля гэтага пайшоў дадому й вярнуўся са зброяй. Паводле сьведкаў, злачынца меў аўтаматычную зброю (паведамляецца пра аўтамат Калашнікава).

Міністэрства ўнутраных справаў Сэрбіі паведаміла, што зброя была нелегальнай.
Параненыя асобы дастаўленыя ў шпіталь, 7 чалавек знаходзяцца ў сур'ёзным стане.

Мужчына, які адкрыў агонь, затрыманы.

вс

здымак мае ілюстрацыйны характар