У міжнароднае расьсьледаваньне аб афшорах патрапілі 12 сусьветных лідараў

У расьсьледаваньні Міжнароднага кансорцыума журналістаў-следчых (ICIJ) аб афшорах, зьвязаных з панамскім рэгістратарам Mossack Fonseca, гаворыцца аб зьдзелках і афшорах 12 дзеючых і былых сусьветных лідараў, 128 палітыкаў і афіцыйных асоб і 29 мільярдэраў з сьпісу самых багатых людзей Forbes.

У прыватнасьці, там згадваюцца зьдзелкі, да якіх датычныя прэзыдэнт Украіны Пётр Парашэнка, кароль Саудаўскай Арабіі Салман, прэм'ер-міністры Ісляндыі й Пакістана, сваякі старшыні КНР Сі Цзіньпіня й прэзыдэнта Азэрбайджана Ільхама Аліева.

Расейскі партнэр ICIJ «Новая газета» апублікавала расьсьледаваньне аб афшорах сябра прэзыдэнта РФ Уладзіміра Пуціна Сяргея Ралдугіна.

Сярод іншых людзей, згаданых у расьсьледаваньні - футбаліст Ліянэль Мэсі, нябожчык бацька прэм'ер-міністра Вялікабрытаніі Дэвіда Кэмэрана Іен Кэмэран, чалец камітэта FIFA па этыцы Хуан Пэдра Даміяну.

У расьсьледаваньні Міжнароднага кансорцыума журналістаў-сьледчых (ICIJ) прынялі ўдзел 380 журналістаў з 76 краін сьвету.

meduza.io/дг